Өфөлә хөрмәтле уҡытыусы Мәрфуға Ғәлина 95 йәшлек юбилейын билдәләй

Баш ҡаланың Ленин районында бөгөн, 16 сентябрҙә, Башҡортостандың хеҙмәт ветераны һәм мәғариф отличнигы Марфуға Ғәлинаны тыуған көнө менән тәбрикләйҙәр.

Мәрфуға Кинйәғәле ҡыҙы Күгәрсен районының Санъяп ауылында тыуған. Башҡорт дәүләт университетының филология бүлеген тамамлағандан һуң уҡытыусы булып эшләй. Дөйөм педагогик стажы – 40 йылдан ашыу. Ул өс бала тәрбиәләп үҫтергән, ике ейәненә бәхетле өләсәй.

Юбилярҙы Өфөнөң Ленин районы хакимиәте башлығы урынбаҫары Мирхәт Ҡаҙарғолов ҡотланы. Һаулыҡ һәм оҙон ғүмер теләп, ул Рәсәй президентынан ҡотлау хаты һәм иҫтәлекле бүләк тапшырҙы, тип хәбәр иттеләр район хакимиәтенән.

https://www.bashinform.ru/news/social/2025-09-16/v-ufe-95-letniy-yubiley-prazdnuet-uvazhaemyy-pedagog-marfuga-galina-4389989