Радий Хәбиров «Торатау» геопаркының ЮНЕСКО-ға индерелеүе хаҡында һөйләне

«Торатау» геопаркы лайыҡлы рәүештә ЮНЕСКО-ның глобаль геопарктар селтәренә индерелде, тип билдәләне Радий Хәбиров. Башҡортостан Башлығы «Башинформ» хәбәрсеһе менән әңгәмәлә был төбәктең тәбиғи объектын халыҡ-ара хоҡуҡи яҡлауҙың юғары статусы булыуын билдәләп үтте.

«Беҙ был эш менән бер нисә йыл шөғөлләндек. Яңыраҡ ҡына, йәй көнө, ҡаяға төшөрөлгән һүрәттәр ЮНЕСКО статусын алды. Был иһә халыҡ-ара хоҡуҡи яҡлауҙың юғары статусы. Халыҡ-ара хәл ҡатмарлы булһа ла, ғаризалар бирҙек. Беҙгә эксперттар килде, уларҙың бөтә талаптарын үтәнек. Элекке Советтар Союзы территорияһында ике геопарк бар. Беҙҙең «Янғантау» һәм тағы берәүһе Үзбәкстанда. Хәҙер өсөнсө геопарк барлыҡҡа килде. Был бик юғары халыҡ-ара хоҡуҡи статус, ЮНЕСКО статусы. «Торатау» геопаркының биләмәһе ҙур. Унда республиканың туризмды, рекреацион эшмәкәрлекте үҫтерергә мөмкин булған бер нисә районы урынлашҡан. Был ҙур ҡаҙаныш булып тора. Командабыҙҙы ҡотлайым. Мин бик шатмын», — тине Радий Хәбиров.

https://www.bashinform.ru/news/social/2025-09-06/glava-bashkirii-rasskazal-o-vklyuchenii-geoparka-toratau-v-yunesko-4377184