Башҡортостандың Хәрби комиссариаты мутлашыу осраҡтары тураһында иҫкәртте
Мутлашыусылар хәрби комиссариат хеҙмәткәрҙәре булып республика халҡына шылтырата һәм уларҙан конфеденциаль мәғлүмәттәр һорай.
Башҡортостандың Хәрби комиссариаты республика халҡын мутлашыу осраҡтары тураһында иҫкәртте. Ведомство мәғлүмәте буйынса, кемдәрҙер граждандарға шылтыратып, үҙҙәрен хәрби комиссариат хеҙмәткәрҙәре тип таныштыра. Аферистар хәрбиҙәрҙең туғандарына дәүләт наградаларын тапшырыу һылтауы менән уларҙан конфиденциаль мәғлүмәтте, шул иҫәптән СМС менән килгән кодтарҙы белергә тырыша.
Хәрби комиссариат хеҙмәткәрҙәре бер ҡасан да кодтар һәм башҡа шәхси мәғлүмәт һорамай. Дәүләт наградаларын тапшырыуға бәйле мәсьәләләр граждандарҙы хәрби комиссариатта ҡабул иткәндә йәки рәсми яҙма белдереү ҡағыҙы аша ғына хәл ителә, тип билдәләне Башҡортостандың хәрби комиссары урынбаҫары, полковник Ринат Латипов.
«Башҡортостан Республикаһының хәрби комиссариаты шундай ике мутлашыу осрағын теркәгән. Шуға бәйле республика халҡынан уяулыҡ күрһәтеүҙәрен һәм барлыҡ мәсьәләләр буйынса туранан-тура йәшәгән урын буйынса хәрби комиссариатҡа мөрәжәғәт итеүҙәрен һорайым», — тип белдерҙе Ринат Латипов.
Әгәр шундай шылтыратыу булһа, мутлашыусыларға СМС менән килгән бер ниндәй кодтарҙы ла, шәхси мәғлүмәттәрҙе лә хәбәр итергә кәрәкмәй. Иң яҡшыһы – шунда уҡ һөйләшеүҙе туҡтатыу.
Был хаҡта 102 йәки 112 телефоны буйынса хоҡуҡ һаҡлау органдарына хәбәр итегеҙ. Шулай уҡ (347) 272-69-75 телефоны буйынса Башҡортостандың Хәрби комиссариатына шылтыратырға кәрәк.
Уяу булығыҙ һәм үҙегеҙҙе алдарға ирек бирмәгеҙ, тип иҫкәртә хәрби комиссариат.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.