Өфөгә «Һөт иле» фестиваленә 15 тонна бал килтерәләр
Хәтерегеҙгә төшөрәбеҙ, «Һөт иле» ғаилә фестивале быйыл 30 августа Өфөнөң «Ҡашҡаҙан» паркында ойошторола.
Был сара 2011 йылдан алып үткәрелә, сәләмәт йәшәү рәүешен пропагандалай һәм республиканың һөт продукцияһын таныта. Фестивалгә йыл да бик күп халыҡ йыйыла.
Бында килгән һәр ҡунаҡ бер стакан һөт менән һыйлана ала. Һөт йәрминкәһе, фермер баҙары, сыр кибете ойошторола. Шулай уҡ оҫталыҡ дәрестәре, ғаилә өсөн интерактив майҙансыҡтар һәм концерт сығыштары көтөлә.
Башҡортостандың ауыл хужалығы министрлығы мәғлүмәте буйынса, өфөләр һәм баш ҡала ҡунаҡтары сәй фестивалендә күмәкләп сәй эсеү буйынса республика рекордын ҡуйыуҙа ҡатнашырға мөмкин. Унда 2 меңдән ашыу сәй яратыусының килеүе күҙаллана.
«Ҡымыҙ ауылы» майҙансығында республиканың иң яҡшы ҡымыҙ бешеүселәренән шифалы милли эсемлек көтә. Һатыуға кәмендә бер тонна ҡымыҙ килтерергә тейештәр.
Шулай уҡ был көндө «Бал йәрминкәһе»ндә умартасылыҡ продукцияһы тәҡдим ителә. Фестивалгә умартасылар 10-15 тоннаға яҡын татлы ризыҡ (йүкә, сәскә, ҡарабойҙай, кәрәҙле бал) алып килә.
Хәбәр иткәнебеҙсә, Башҡортостандан Ҡытайға 19 тонна киптерелгән һөт оҙатылды.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.