Башҡортостанда ҡорот байрамы ойошторола

Хәйбулла районы хакимиәтендә белдереүҙәренсә, байрам ҡунаҡтарын бай программа көтә. Мәҫәлән, ҡорот эшләү буйынса оҫталыҡ дәрестәре, күргәҙмәләр һәм йәрминкәләр. Этно-фестивалдә фольклор йолаларын һәм ғөрөф-ғәҙәттәрҙе лә күрергә мөмкин.

Быйыл Учалы, Белорет, Бөрйән, Әбйәлил, Ейәнсура, Баймаҡ, Хәйбулла райондарынан, Ырымбур өлкәһенән һәм Ҡаҙағстандан ҡатнашыусыларҙың килеүе көтөлә. Этно-фестиваль-конкурс аралашыу, тәжрибә һәм пландар менән уртаҡлашыу, тармаҡтың көнүҙәк проблемаларын тикшереү һәм эшлекле бәйләнештәр булдырыу урыны булып тора. Ҡулланыусылар өсөн иһә заманса етештереү технологиялары менән танышыу, оҫталыҡ дәрестәрендә ҡатнашыу, шулай уҡ фестивалдең иң тәмле ризығын һайлау мөмкинлеге лә.

Сара Башҡортостандың бренд саралары исемлегенә индерелгән һәм милли аш-һыуҙы, традицияларҙы, ғөрөф-ғәҙәттәрҙе, һөнәрҙәрҙе тергеҙеүгә, Башҡортостанда һәм Рәсәйҙә гастрономия туризмын үҫтереүгә йүнәлтелгән. «Башинформ» хәбәр иткәнсә, Башҡортостанда уҙған фестивалдә иң ҙур ҡорот әҙерләү буйынса ил рекорды ҡуйылған. 442,6 кг ауырлыҡтағы ҡоротто Рәсәйҙең Рекордтар китабы эксперттары теркәгән.

Фестивалде Башҡортостандың мәҙәниәт министрлығы, Республика халыҡ ижады үҙәге, Хәйбулла районы хакимиәте ойоштора.

https://www.bashinform.ru/news/social/2025-08-14/v-bashkirii-proydet-prazdnik-korota-4348304