Башҡортостанда инвалидтар өсөн реабилитация мөмкинлектәре киңәйә
Көҙгө сессияла Башҡортостан Дәүләт Йыйылышы – Ҡоролтай депутаттары «Башҡортостан Республикаһында физик культура һәм спорт тураһында» Башҡортостан Республикаһы Законына үҙгәрештәр индереү тураһында» закон проекты өҫтөндә эште дауам итергә йыйына.
Закон проекты инвалидтарға һәм һаулыҡ мөмкинлектәре сикләнгән кешеләргә ярҙам күрһәтеү системаһын камиллаштыра.
Республика парламенты спикеры Константин Толкачев һүҙҙәренсә, был граждандарҙың яҡланмаған категорияларын физик реабилитациялау һәм абилитациялау мөмкинлектәрен киңәйтә.
— Закон ҡабул ителһә, улар дәүләт реабилитация үҙәктәрендә генә түгел, инвалидтар өсөн махсус физкультура-спорт клубтарында, дәүләткә ҡарамаған сектор ойошмаларында, шул иҫәптән шәхси реабилитация үҙәктәрендә һәм физкультура-спорт ойошмаларында профессиональ ярҙам алырға мөмкин. Инфраструктураны киңәйтеү мохтаждарға ошо хеҙмәттәрҙән файҙаланыуҙы еңеләйтә. Улар дәүләт (муниципаль) социаль заказы нигеҙендә бюджет аҡсаһы иҫәбенә финанслана, – тип билдәләне Толкачев.
Закон проекты шулай уҡ социаль өлкәлә дәүләт (муниципаль) хеҙмәттәрен башҡарыусыларҙы билдәләү өсөн учреждениеларҙы һайлап алыу тәртибен күҙ уңында тота.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.