Өфөлә МХО-ла ҡатнашыусыларҙың балаларына «Минең Әсәйем Герой!» значоктары тапшырыла

Өфөлә махсус хәрби операцияла ҡатнашыусыларҙың балаларына «Минең Әсәйем Герой!» тигән иҫтәлекле значоктар тапшырыла. Был хаҡта баш ҡала мэры Ратмир Мәүлиев ҡала хакимиәтенең оператив кәңәшмәһендә белдерҙе. Тиҙҙән әсәләре алғы һыҙыҡта хеҙмәт иткән балалар значоктар менән бүләкләнә, тип билдәләне ул.

«МХО биләмәһендә яугирҙәр менән «Минең атайым Герой!» тигән иҫтәлекле билдәләр тураһында фекер алыштыҡ. Был награданы тапшырыуҙы дауам итәбеҙ. Әсәләре фронтта хәрби бурысын үтәгән балаларға ла значоктар кәрәк тигән тәнҡит һүҙҙәрен ишеттем. Ике аҙнанан ошо награданы әҙерләй башларға тейешбеҙ. 1 сентябрҙә тантаналы шарттарҙа тапшырабыҙ», — тип билдәләне Ратмир Мәүлиев.

https://www.bashinform.ru/news/social/2025-07-23/v-ufe-detyam-uchastnikov-svo-budut-vrucheny-medali-moya-mama-geroy-4323624