Ололарға иғтибар: Әбйәлил районында эшҡыуарҙар пенсионерҙар өсөн үҙенсәлекле акция үткәргән

Әбйәлил районынан йәш йүнсел Ризуан Рәхмәтов социаль селтәрҙә дуҫтарына, йәш эшҡыуарҙарға мөрәжәғәт итеп, оло йәштәгеләр өсөн хәйриә акцияһы ойошторған. Ул интернетта аҡса йыйып, үҙенең хужалығында әҙерләнгән һөт ризыҡтарын пенсионерҙарға бушлай тарата.  

Хәйриә акцияһы Магнитогорск ҡалаһында башланып иткән. Был хаҡтағы яҙма социаль селтәргә таралған. Күптәр пенсионерҙарға ризыҡ алып биргән кешеләргә рәхмәт һүҙҙәре яҙа. Бәғзеләр иһә акция ойошторған ғаиләгә ҡарата һоҡланыу белдерә.

«Беҙ был изгелекле эшҡыуарҙар менән күптән танышбыҙ, һатҡан ризыҡтары һәр саҡ сифатлы, таҙа. Улы ла, атаһы ла бик татыу, иғтибарлы, яуаплы, һоҡланғыс кешеләр», – тип яҙа социаль селтәрҙә әбйәлилдәр.