Башҡортостанда һыу объекттарында хәүефһеҙлек программаһы ғәмәлгә индерелде

2025 йылдан Башҡортостанда һыу объекттарында кешеләрҙең именлеген тәьмин итеү программаһы ғәмәлгә индерелде. Республиканың Ғәҙәттән тыш хәлдәр буйынса дәүләт комитеты рәйесе Кирилл Первов БСТ телеканалында ойошторолған брифингта ошо турала белдерҙе.

«Иң мөһиме – яңы хәүефһеҙ ял итеү урындары булдырыу, был 2030 йылға һыу объекттары булған барлыҡ тораҡ пункттарҙы ла үҙ эсенә алырға мөмкинлек бирә. Йәмғеһе 936 тораҡ пунктта 1 377 ял итеү урыны», – тине Кирилл Первов.

Бер ял итеү урыны булдырыу өсөн программала һыу объектының төбөн тикшереү һәм таҙартыу, ҡотҡарыу щитын ҡуйыу, шулай уҡ һыу инеү миҙгелендә ҡотҡарыусылар дежурлығын ойоштороу кеүек саралар исемлеге тәҡдим ителә. Программаға ярашлы, 2025 йылда 366 ял итеү урыны асылырға тейеш.

Хәбәр иткәнебеҙсә, Өфөлә йәнә биш пляжда һыу инергә рөхсәт ителде.

https://www.bashinform.ru/news/social/2025-06-20/v-bashkirii-vvedena-v-deystvie-programma-bezopasnosti-na-vodnyh-ob-ektah-4283326