Башҡортостандың почта бүлексәләре Рәсәй көнөндә эш графигын үҙгәртә, тип хәбәр иттеләр Федераль почта элемтәһе идаралығының матбуғат хеҙмәтенән.
11 июндә почта бүлексәләренең эш көнө бер сәғәткә ҡыҫҡартыла (заказдар биреү пункттары урынлашҡан бүлексәләр ҡәҙимгесә эшләй). Почтальондар пенсия һәм пособиеларҙы Рәсәй Социаль фондының республика бүлексәһе менән килешелгән графикка ярашлы тарата.
12 һәм 13 июндә барлыҡ почта бүлексәләре өсөн ял көндәре була. Был көндө почтальондар гәзит-журналдарҙы таратмай.
14 июндән Башҡортостандың почта бүлексәләре ғәҙәти график буйынса эшләй.