Башҡортостан Башлығы Радий Хәбиров алкоголһеҙ энергетиктар һатыуҙы тыйыу тураһында законға ҡул ҡуйҙы. Документ республиканың рәсми хоҡуҡи мәғлүмәт порталында баҫылған.
Закон Башҡортостан Дәүләт Йыйылышы — Ҡоролтай депутаттары башланғысы менән ҡабул ителде, тип яҙғайны «Башинформ». Ул 2025 йылдың 1 сентябренән көсөнә инергә тейеш.
Закон мәктәптәр, университеттар, белем биреү һәм дауалау учреждениелары, театрҙар, физик культура һәм спорт учреждениелары эргәһендә урынлашҡан сауҙа нөктәләрендә алкоголһеҙ, шул иҫәптән энергетик эсемлектәрҙе һатыуҙы тулыһынса тыйыуҙы күҙ уңында тота. Ул республика халҡының әхлағын, һаулығын, хоҡуҡтарын һәм законлы мәнфәғәттәрен яҡлауға йүнәлтелгән, тиелә документта.
Бынан алдараҡ Башинформ Рәсәйҙә балаларға энергетиктар һатҡан өсөн штраф һалыныуы хаҡында хәбәр иткәйне.