Өфөлә «Әйҙә уйнарға» фестивалендә 267 меңдән ашыу кеше ҡатнашты
Өфөлә «Әйҙә уйнарға» фестивалендә 267 меңдән ашыу кеше ҡатнашты, тип белдерҙе мәҙәниәт министры Әминә Шафиҡова республика хөкүмәтенең оператив кәңәшмәһендә.
Иҫегеҙгә төшөрәбеҙ, 5-8 июндә баш ҡалабыҙҙа икенсе тапҡыр «Әйҙә уйнарға» Бөтә Рәсәй уйын һәм уйынсыҡтар фестивале үтте.
Сарала илдең 10 төбәгенән 150-гә яҡын етештереүсе һәм кәсепсе ҡатнашты. Түбәнге Новгород һәм Киров өлкәләре делегациялары фестивалгә бик күп уйынсыҡтар алып килгәйне.
Фестиваль программаһы бай булды, тематик конкурстар, лекциялар, спорт ярыштары, Рәсәй артистарының сығышы, йөҙләгән оҫталыҡ дәрестәре үтте. «Союзмультфильм» студияһы күптәрҙең яратҡан майҙансығына әүерелде.
«Башинформ» хәбәр иткәнсә, балалар, ата-әсәләр, олатай-өләсәйҙәр, шулай уҡ эксперттар версияһы буйынса иң яҡшы уйынсыҡ етештереүселәр аталды.
«8 июндә беҙ тәүгә башҡорт әҙәбиәтенең бөйөк ҡомартҡыһы – «Урал батыр» эпосына арналған байрамды билдәләнек. Был көндө төп сәхнәлә Сибай башҡорт драма театрының «Самрау батшаның бүләге» спектакле ҡуйылды, балалар бик ҡыҙыҡһынып ҡараны. Шулай уҡ «Урал батыр» эпосының факсимиль күсермәһен Евразия күсмә цивилизациялар музейына тапшырыу тантанаһы уҙҙы. Республиканың Милли музейында үткән түңәрәк өҫтәлдә көнүҙәк мәсьәләләр тикшерелде һәм эпостың әһәмиәте тураһында уй-фекерҙәр яңғыраны», — тип өҫтәне Әминә Шафиҡова.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.