2025 йылда Өфөлә математика лицейы төҙөлә башлай

Быйыл Өфөлә математика лицейын төҙөй башлау планлаштырыла. Башҡортостан Башлығы Радий Хәбиров бөгөн Евразия ғилми-белем биреү үҙәге вуз-ара студенттар кампусының Геном үҙәгендә барған йәш ғалимдар менән осрашыуҙа ошо турала белдерҙе. Лицей йыл ярымда төҙөлөп бөтөргә тейеш.

Башинформ хәбәр иткәнсә, математика лицейы 360 уҡыусыға һәм 250 йоҡо урынына иҫәпләнгән. Объекттың дөйөм майҙаны – 22,3 мең квадрат метрҙан ашыуыраҡ. Белем биреү учреждениеһы «Йәштәр һәм балалар» милли проекты буйынса төҙөлә. Белем усағының биләмәһе «Өфө Экспо» күргәҙмә комплексы һәм Өлфәт Мостафин исемендәге спорт әҙерлеге үҙәге араһында урынлашҡан.

Белем биреү объекты ике ҡаттан алты ҡатҡа тиклемге дүрт блоктан тора. Унда спорт зонаһы, ашхана, конференциялар залы, китапхана, уҡытыусылар бүлмәһе һәм административ биналар була. Шулай уҡ проектҡа биш ҡатлы уҡыу корпусы, уҡыусылар һәм уҡытыусылар өсөн торлаҡ блогы инә.

Математика лицейы төҙөлөшө хаҡы 2,8 миллиард һумға баһалана.

https://www.bashinform.ru/news/social/2025-05-16/v-ufe-stroitelstvo-matematicheskogo-litseya-nachnetsya-v-2025-godu-4237818