Башҡорт теленән халыҡ-ара диктантты 405 меңдән ашыу кеше яҙған
Башҡорт теленән халыҡ-ара диктантты 405 472 кеше яҙған, тип хәбәр итә акцияны ойоштороусылар. Быйылғы диктант текстарының авторҙары – Башҡортостан Республикаһының атҡаҙанған мәҙәниәт хеҙмәткәре, Баязит Бикбай исемендәге әҙәби премия лауреаты Зөһрә Ҡотлогилдина, яҙыусы, «Башҡортостан ҡыҙы» журналының баш мөхәррире, Башҡортостан Республикаһының атҡаҙанған матбуғат һәм киң мәғлүмәт хеҙмәткәре Миләүшә Ҡаһарманова. Улар Бөйөк Еңеүҙең 80 йыллығына, тыныслыҡҡа һәм берҙәмлеккә арналды.
Хәтерегеҙгә төшөрәбеҙ, офлайн майҙансыҡтарҙа 332,9 мең кеше диктант яҙһа, 72,5 мең ҡатнашыусы онлайн форматты һайлаған. Шулай уҡ Рәсәйҙең башҡа төбәктәренән – 18,4 меңдән ашыу, башҡа илдәрҙән 1,6 мең кеше башҡорт теленән белемен тикшергән.
Башланғыс кимәлгә 152,3 мең кеше өҫтөнлөк биргән, 167,4 меңе – иркен аралашыусылар өсөн, тағы 85,6 меңе төньяҡ-көнбайыш диалектында диктант яҙған.
Әйткәндәй, быйыл халыҡ-ара акция 11-се тапҡыр ойошторолдо. Башҡорт теленән диктантҡа ҡыҙыҡһыныу йылдан-йыл арта. Мәҫәлән, 2019 йылда был диктантты — 70 меңгә яҡын, ә былтыр 410 мең самаһы кеше яҙған.
Акцияның рәсми һөҙөмтәләре 30 көн эсендә сайтта баҫылып сыға. 2025 йылғы диктантта ҡатнашыусыларға сертификаттар электрон почтаға йәки телеграм-боттан ебәрелә.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.