Башҡортостанда ял көндәрендә бер аҙ ямғыр яуыуы фаразлана

Синоптиктар мәғлүмәттәре буйынса, йома, 25 апрелдә, көндөҙ ямғыр яуыуы, урыны менән йәшен йәшнәүе көтөлә. Ел көньяҡтан талғын. Һауа температураһы +16, +21°.

Шәмбе, 26 апрелдә, урыны менән ҡыҫҡа ваҡытлы ямғыр яуыуы, көндөҙ йәшен булыуы ихтимал. Ел йүнәлешен үҙгәртеүсән талғын, йәшен ваҡытында көсәйеүсән. Һауа температураһы төндә +7, +12°, көндөҙ +18, +23°.

Йәкшәмбе, 27 апрелдә, төндә урыны менән, көндөҙ республикала ҡыҫҡа ваҡытлы ямғыр, йәшен көтөлә. Ел көньяҡ-көнбайыштан талғын, йәшен ваҡытында көсәйеүсән. Һауа температураһы төндә +5, +10°, көндөҙ +18, +23°, төньяҡта  +12, +17°.