Өфөлә депутаттарҙың Бөйөк Ватан һуғышында ҡатнашыуы тураһында фотокүргәҙмә асылды

Башҡортостан Дәүләт Йыйылышы – Ҡоролтай йортонда Еңеүҙең 80 йыллығы уңайынан Бөйөк Ватан һуғышында ҡатнашҡан БАССР-ҙың Юғары Советы депутаттарына хаҡында фотоэкспозиция асылды. Бөгөн фотоэкспозиция менән Башҡортостан Башлығы Радий Хәбиров та танышты.

«Беҙҙә 184 фронтовик депутат, улар араһында 11 Советтар Союзы Геройы һәм бер Дан орденының тулы кавалеры бар. Һуғыш башланыу менән Юғары Советтың бөтә составы ла тиерлек фронтҡа китә. Депутаттар тылда ултырмай. Һәр береһе Еңеүгә тос өлөш индерә. Уларҙың ҡайһы берҙәре тураһында киң мәғлүмәт сараларында яҙып сыҡтылар. Әлеге күргәҙмә фронтовик депутаттарҙың тормош юлы хаҡында бәйән итә. Был экспозиция республикала йәшәүселәрҙең күбеһенә ҡыҙыҡлы булыр тип ышанам», – тине Башҡортостан Дәүләт Йыйылышы рәйесе Константин Толкачев.

Дәүләт Йыйылышы йортона экскурсияға килгән уҡыусылар һәм студенттар ҙа экспозиция менән танышырға мөмкин, тип билдәләне парламент спикеры.

https://www.bashinform.ru/news/social/2025-04-24/v-ufe-otkrylas-fotovystavka-ob-uchastii-deputatov-v-velikoy-otechestvennoy-4210897