Өфөнөң Черниковка биҫтәһендә ҡояш системаһы макетын эшләргә уйлайҙар

Өфөнөң Черниковка биҫтәһендә «Уңайлы ҡала мөхитен булдырыу» федераль программаһы сиктәрендә ҡояш системаһы макетын эшләргә йыйыналар. Был хаҡта Орджоникидзе районы башлығы Рөстәм Хәмитов хәбәр итә.

Уның һүҙҙәренсә, Космонавтар урамындағы боролош ҡулсаһы участкаһын төҙөкләндереү проекты газондар, сәскә түтәлдәрен эшләүҙе һәм ҡояш системаһы планеталары моделдәрен ҡуйыуҙы күҙ уңында тота.

«Бындай проекттар урынды йәмләндереп кенә ҡалмай, ә ҡала халҡына ял итеү өсөн уңайлы мөхит булдыра», — тип яҙа ул социаль селтәрҙәге сәхифәһендә.

Төҙөкләндереү объекттары өсөн 21 апрелдән 12 июнгә тиклем һылтанма буйынса үтеп тауыш бирергә мөмкин, тип өҫтәне Рөстәм Хәмитов.

https://www.bashinform.ru/news/social/2025-04-21/v-ufimskoy-chernikovke-planiruyut-sozdat-maket-solnechnoy-sistemy-4205028