Башҡортостанда һаулыҡ мөмкинлектәре сикләнгәндәр өсөн глэмпинг төҙөлә
Салауат районында «Иркен һулыш» глэмпинг-паркы төҙөлөшө дауам итә. Ул «Янғантау» геопаркы эргәһендә урынлашҡан. Бөгөн Башҡортостан Башлығы Радий Хәбиров эш сәфәре барышында яңы глэмпингтың мөмкинлектәре менән танышты.
«Азатлыҡ — асыҡ курорт» йәмғиәте директоры Дмитрий Масков глэмпингта бөтәһе 84 урынлыҡ 28 торлаҡ модуле буласағын һөйләне. Шулай уҡ 50 урынлыҡ панорамалы ресторан, йога менән шөғөлләнеү өсөн модуль, Sky Spa тәьҫораттар мунсаһы, инфинити бассейны, йәйге кинотеатр, балалар һәм волейбол майҙансыҡтары, визит-үҙәк төҙөлә. Масков әйтеүенсә, Рәсәйҙә был – мөмкинлектәре сикләнгән кешеләр өсөн беренсе глэмпинг. Улар өсөн йыл әйләнәһенә эшләгән «Сикһеҙ мөмкинлектәр өлкәһе» йорто төҙөлә. Проектлауҙа пандустар, юлдарҙың киңлеге, Брайль шрифты менән визуаль күрһәткестәр иҫәпкә алынған, инвалид коляскаларында йөрөү өсөн ишек уйымдары киңәйтелгән, тупһаһыҙ киңлектәр булдырылған, махсус санузелдар эшләнгән.
Проектҡа инвестициялар күләме 180 миллион һумға баһалана. Әлеге ваҡытта объекттың әҙерлек кимәле — 70%. Объектты тулыһынса 2025 йылдың июнь уртаһында сафҡа индереү планлаштырыла.
Дмитрий Масков глэмпинг-паркка инеү юлын төҙөргә кәрәклеген билдәләне. Салауат районы хакимиәте башлығы Марс Кашапов һүҙҙәренсә, Малаяҙ — Үрге Ҡыйғы — Яңы Балаҡатай — Өнкөрҙө төбәк юлына тоташтырыу тураһында һөйләшеп килешелгән.
Радий Хәбиров республиканың транспорт министрлығына тейешле йөкләмәләр бирәсәген һәм юлды киләһе йылда төҙөйәсәктәрен белдерҙе.
«Республикала туристар өсөн яңы урындар әүҙем төҙөлә, был беҙҙә киң таралған йүнәлештәрҙең береһе булып тора. Беренсенән, уларҙы төҙөүе еңел, икенсенән, модулдәрҙе капиталь төҙөлөш тыйылған биләмәләрҙә лә ҡорорға мөмкин. Бында беҙ инвесторҙар менән оҙаҡ ҡына эшләнек. Урындағы инвесторҙар түгел, Башҡортостандан ситтән инвесторҙарҙың килеүе бик ҡыуаныслы. Уларҙың пландары ҙур — ярҙам итербеҙ», — тине Радий Хәбиров.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.