Радий Хәбиров муниципаль хеҙмәткәрҙәргә дәүләт наградалары тапшырҙы
Бөгөн Өфөлә Башҡортостан Башлығы Радий Хәбиров республиканың муниципаль хеҙмәткәрҙәренә дәүләт наградалары тапшырҙы. Тантана барышында республика етәксеһе уларҙың намыҫлы хеҙмәте ҡалалар һәм райондар халҡы өсөн бик мөһим булыуын билдәләне.
«Һеҙ көн һайын муниципалитеттар тормошон ойоштораһығыҙ, ҡатмарлы мәсьәләләрҙе хәл итәһегеҙ. Кешеләрҙең һорауҙарына яуап бирәһегеҙ, уларҙың файҙалы башланғыстарын хуплайһығыҙ. Һеҙҙең эшегеҙ профессионализм, киң компетенциялар ғына түгел, ә кешеләргә иғтибар, юғары яуаплылыҡ талап итә.
Белеүегеҙсә, быйыл март айында ҡабул ителгән урындағы үҙидараны ойоштороуҙың дөйөм принциптары тураһында федераль закон төбәктәргә муниципаль властың структураһын үҙ аллы билдәләү хоҡуғын бирә. Республикабыҙҙа ауыл һәм ҡала биләмәләре менән ике кимәлле муниципаль идара итеү системаһы үҙенең һөҙөмтәлелеген раҫланы. Шуға күрә беҙ ғәмәлдәге системаны һаҡлап ҡалырға, иң яҡшы традицияларҙы дауам итергә булдыҡ. Киләсәктә лә дөйөм тырышлыҡ менән муниципаль хеҙмәттәрҙең асыҡлығын тәьмин итербеҙ, тораҡ пункттарҙың инфраструктураһын нығытырбыҙ, ижтимағи һәм социаль тотороҡлоҡто һаҡларбыҙ тип ышанам», – тине Радий Хәбиров.
Республика етәксеһе һүҙҙәренсә, тап муниципаль хеҙмәткәрҙәр стратегияларҙы һәм программаларҙы реаль эштәргә әүерелдерә – таҙалыҡты һәм тәртипте һаҡлай, урамдарҙы һәм ихаталарҙы, балалар һәм спорт майҙансыҡтарын төҙөкләндерә, граждандар һәм власть органдары араһында тығыҙ бәйләнеш булдыра.
Радий Хәбиров муниципаль хеҙмәткәрҙәрҙең махсус хәрби операцияла ҡатнашыусыларға һәм уларҙың ғаилә ағзаларына ярҙам күрһәтеү йәһәтенән эшен баһаланы.
«Был – беҙҙең изге, мөһим бурысыбыҙ, һеҙ уны лайыҡлы хәл итәһегеҙ. Сит ҡайғыға битараф булмағанығыҙ өсөн рәхмәт. Дөйөм еңеүгә лайыҡлы өлөш индерәһегеҙ», – тине республика етәксеһе һәм ҡайһы бер бүләкләнеүселәр тураһында һөйләп үтте.
«Миҙхәт Хәбибулла улы Вәлитов ярты быуаттан ашыу ғүмерен Ауырғазы районын үҫтереүгә арнаны. Хакимиәт башлығы вазифаһында балалар баҡсалары һәм мәктәптәр, медицина учреждениелары һәм башҡа мөһим объекттар төҙөү, ауылдарға газ үткәреү, производство инфраструктураһын нығытыу менән әүҙем шөғөлләнде. Уның тырышлығы менән райондың ауыл хужалығы беҙҙең агросәнәғәт комплексы лидерҙарына әүерелде», – тине Радий Хәбиров.
Республика Башлығы муниципаль хеҙмәткәрҙәргә ныҡлы һаулыҡ, именлек, мөһим пландарҙы һәм башланғыстарҙы бойомға ашырыуҙарын, ә барлыҡ муниципалитеттарға уңыштар теләне.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.