Страховка пенсиялары йылына ике тапҡыр индексациялана
Киләһе йылдан башлап страховка пенсиялары йыл һайын ике тапҡыр – 1 февралдән һәм 1 апрелдән индексациялана. Бындай саралар Рәсәй хөкүмәте раҫлаған 2030 йылға тиклем өлкән быуын граждандары мәнфәғәтендәге ғәмәлдәр стратегияһында ҡаралған.
Бынан тыш, стратегияла өлкән быуын граждандарының эшҡыуарлыҡ башланғыстарына ярҙам итеү, улар өсөн өйҙә, ваҡытлыса, һығылмалы һәм дистанцион мәшғүллек формаларын үҫтереү, хеҙмәт баҙарында дискриминацияға юл ҡуймау һәм пенсия йәшенән һуң эшен дауам итеү өсөн шарттар булдырырға тәҡдим ителә.
Стратегияла шулай уҡ сирҙәрҙе иртәрәк иҫкәртеү, медицина ярҙамының сифатын күтәреү, оло йәштәгеләрҙең финанс белемен арттырыу һәм әүҙем тормошон оҙайтыу буйынса һәм башҡа саралар ҡаралған.
Хәтерегеҙгә төшөрәбеҙ, Радий Хәбиров тәҡдиме менән башланған «Башҡортостанда оҙон ғүмерлелек» программаһы республикабыҙҙа 2020 йылдан тормошҡа ашырыла.
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.