Башҡортостан фермерҙары дәүләт ярҙамы менән йылҡы һанын арттырған

Федоровка районынан йәш фермерҙар Ләйсән һәм Урал Мостафиндар аттар үрсетә. Былтыр уларҙың крәҫтиән-фермер хужалығы «Агростартап» республика программаһында ҡатнашып, 1,945 миллион һумлыҡ грантҡа лайыҡ булған. Улар эшкә йыйған аҡсаларын да өҫтәп, 70 ат һатып алған. Был хаҡта райондың бизнес-шерифы Андрей Гончаров Радий Хәбировтың социаль селтәрҙәге бизнес менән аралашыу төркөмөндә яҙған.

Фермерҙар ҡымыҙ һәм колбаса етештерә башларға ниәтләй. 2024 йылда улар шулай уҡ эшҡыуарлыҡҡа ярҙам муниципаль программаһы сиктәрендә субсидия конкурсында ҡатнашҡан һәм 165 мең һум алған. Был аҡсаны улар һыуытҡыстар һәм һауыу аппараты өсөн тотонған.

Мостафиндар үҙ эшен артабан үҫтереү өсөн «Ғаилә фермаһы» программаһында ҡатнашырға әҙерләнә. Эшҡыуарҙар техника һатып алырға һәм малсылыҡ бинаһы төҙөргә йыйына. 

https://www.bashinform.ru/news/social/2025-04-10/fermery-iz-bashkirii-uvelichili-pogolovie-loshadey-blagodarya-gospodderzhke-4191599