Башҡортостанда Шмаковтарҙың ишле ғаиләһендә унынсы сабый тыуған

Нефтекамала ишле ғаиләлә унынсы бала тыуған. Сабый 15 мартта Ксения һәм Михаил Шмаковтар ғаиләһендә донъяға килгән. Ата-әсә уға Давид тип исем ҡушҡан. Кескәй Давидтың ете ағаһы, ике ике апаһы бар, тип белдерҙеләр Башҡортостандың Юстиция эштәре буйынса комитетында.

Ғаилә башлығы Михаил Петрович – һөнәре буйынса водитель, ғаиләһе янында йышыраҡ булыу өсөн ирекле график менән эшләй. Ксения Петровна, хужабикә, бөтә ваҡытын балаларына бағышлай.

Ғаиләлә балалар музыка менән шөғөлләнә, ҡала, республика һәм Рәсәй кимәлендәге музыкаль конкурстарында ҡатнаша, призлы урындар яулай. Ангелина музыка мәктәбен скрипка класы буйынса тамамлай, Марк аккордеон һәм борғо класы буйынса уҡый, Виталий, Григорий һәм Иосиф та  музыка мәктәбендә шөғөлләнә, борғола уйнай. Буш ваҡыттарында ғаилә менән урманда йөрөргә, тюбингта һәм саңғыла шыуырға яраталар.

Ата-әсәләр балалары хаҡында ғорурлданып һөйләй: ашарға бешерәләр, ҡыш көнө ҡар көрәйҙәр, бәләкәстәре өсөн боҙ тауҙары яһайҙар, хужалыҡ эштәрендә ярҙам итәләр.

Хәбәр иткәнебеҙсә, Ҡорманаевтар ғаиләһендә 12-се баладонъяға килгән. 

https://www.bashinform.ru/news/social/2025-03-24/v-bashkirii-v-mnogodetnoy-semie-shmakovyh-rodilsya-10-rebenok-4169973