Еңеү көнөнә фронтовиктарға бер тапҡыр бирелә торған түләү тураһында бойороҡҡа ҡул ҡуйылды
Ил хөкүмәте Бөйөк Ватан һуғышында Еңеүҙең 80 йыллығы уңайынан бер тапҡыр бирелә торған түләүҙәр өсөн 23,3 миллиард һумдан ашыу аҡса йүнәлтә. Тейешле бойороҡҡа ҡул ҡуйылған.
Хәтерегеҙгә төшөрәбеҙ, Рәсәй президенты Владимир Путин Еңеүгә 80 йыл тулыу айҡанлы 1941-1945 йылдарҙағы Бөйөк Ватан һуғышы ветерандарына йәки уларҙың тол ҡатындарына бер тапҡыр бирелә торған түләү тураһындағы указға ҡул ҡуйғайны.
Фронтовиктарға, фронтовиктарҙың тол ҡатындарына, оборона ҡоролмалары төҙөгән, ПВО объекттарында, диңгеҙ һәм авиация базаларында эшләгән граждандарға, блокадалы Ленинградта йәшәүселәргә, шулай уҡ концлагерҙарҙың бәлиғ булмаған тотҡондарына – 80 мең һум, тыл хеҙмәтсәндәренә һәм концлагерҙарҙың бәлиғ булған тотҡондарына 55 мең һум түләнә.
Михаил Мишустин хөкүмәт ултырышында бер ниндәй ҙә өҫтәмә ғариза бирергә кәрәкмәүен әйтте.
«Министрлыҡтар һәм ведомстволар үҙаллы эшләй. Был кешеләр ауыр һынауҙарҙы үткән, ҡан ҡойошло һуғышты күргән. Улар хаҡында хәстәрлек күреү – дәүләттең төп бурыстарының береһе», — тине Мишустин.
Башҡортостанда әле 120 Бөйөк Ватан һуғышында ҡатнашыусы һәм инвалид, Бөйөк Ватан һуғышы осоронда бәлиғ булмаған 44 концлагерь тотҡоно һәм алты меңдән ашыу тыл хеҙмәтсәне йәшәй. Был турала ғинуар айында республиканың ғаилә, хеҙмәт һәм халыҡты социаль яҡлау министры Ленара Иванова хәбәр итте.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.