Башҡорт-татар эстрадаһының йондоҙло пары айырылышҡан
Башҡорт һәм татар эстрадаһының йондоҙло пары Ләйлә һәм Рөстәм Ғәлиевтар 15 йыл бергә йәшәгәндән һуң айырылышҡан. Был хаҡта Ләйлә Ғәлиева үҙе социаль селтәрҙәге сәхифәһендә яҙған.
«Тормошта төрлөһө була, күтәрелеүҙәр ҙә, түбән төшөүҙәр ҙә. Был барлыҡ өлкәләргә лә ҡағыла! 15 йыл бергә йәшәнек. Ошо йылдар эсендә барыһы ла булды! — тип яҙа йырсы. — 15 йыл элек икәү инек. Барыһын да нулдән башланыҡ. Гастролдәр, йөҙләгән концерттар, йыр-хиттар, аҙымлап төҙөлгән карьера, ижад, бизнес, йорт. Ике ҡыҙыбыҙ бар. Быларҙың барыһы артында ла ҙур ышаныс, бер-беребеҙгә терәк булыу торҙо. Беҙҙең тарихҡа нөктә ҡуйылды. Беҙ Рөстәм менән айырылыштыҡ».
Ләйлә Ғәлиева элекке иренә рәхмәт белдерҙе һәм бер-береһен ихтирам итеүҙәрен, ике ҡыҙҙарына ата-әсәһе булып ҡалыуҙарын билдәләне. Комментарийҙарҙа ҡыҙы яҙыуынса, улар әсәһе менән йәшәргә ҡала.
«Хәҙер икебеҙ өсөн дә тормошта яңы этап башлана. Бер нимәгә ҡарамаҫтан, артабан йәшәргә һәм үҫешергә кәрәк! Артабан был теманы ҡуйыртырға теләмәйем. Был беҙҙең ҡарар! Бер кемдең дә ғәйепләргә хаҡы юҡ. Был тормош. Унда һәр кем үҙе сценарист һәм режиссер», - ти йырсы.
Хәтерегеҙгә төшөрәбеҙ, Рөстәм Ғәлиев Көйөргәҙе районының Яңы Мораптал ауылында тыуған. Өфө сәнғәт институтын тамамлағандан һуң ижад юлын «Нур» татар театрында башлай. Ләйлә сығышы менән Яңауыл районының Тау ауылынан. Стәрлетамаҡ сәнғәт техникумының режиссёрҙар бүлеген тамамлаған. 2015 йылда Ғәлиевтарҙың беренсе синглы сыға. Улар байрамдар ойоштороу менән дә шөғөлләнә ине.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.