Башҡортостанда атайҙарға ниндәй түләүҙәр ҡаралған
Социаль фондтың Башҡортостан буйынса бүлексәһендә республикала атайҙар өсөн социаль һәм страховка түләүҙәре тураһында һөйләнеләр.
Бала тыуғанда бер тапҡыр бирелә торған пособие
Әгәр ата-әсәнең икеһе лә эшләй йәки эшһеҙ икән, улар үҙҙәре пособиеға кемдең ғариза яҙасағын хәл итергә тейеш. Атай кеше генә эшләһә, аҡса уға түләнә. Республикала сумма район коэффициенты менән бергә 30,9 мең һум тәшкил итә. 2024 йылда 4 меңдән ашыу ир-егет пособие алған.
Баланы йәш ярымға тиклем ҡарау буйынса пособие
Аҡса отпуск алған ата-әсәгә тәғәйенләнә. Эшләп йөрөгән ата-әсәгә пособие ике календарь йылы өсөн уртаса эш хаҡынан 40% күләмендә билдәләнә. Эшләмәгәндәргә пособие килемде һәм мөлкәтте комплекслы баһалау һөҙөмтәһендә минималь күләмдә тәғәйенләнә, Башҡортостанда сумма 11,6 мең һум тәшкил итә. 2024 йылда республикала 2,7 мең самаһы ир-егет ошо пособиены юллаған.
Бала тыуыуға һәм уны тәрбиәләүгә бәйле айлыҡ пособие
Пособие ғариза биргән ата-әсәләрҙең береһенә тәғәйенләнеүе мөмкин. Пособие тәғәйенләү өсөн ғаиләнең килеменә һәм мөлкәтенә комплекслы баһа бирелә. Пособиеның күләме төбәктә бала өсөн билдәләнгән йәшәү минимумының 50, 75 йәки 100 проценты тәшкил итеүе мөмкин (Башҡортостанда пособиеның максималь күләме — 15,3 мең һум).
Әсәлек (ғаилә) капиталына сертификат
Ир берҙән-бер ата-әсә булһа, сертификат алырға мөмкин. Шулай уҡ ул сабыйы тыуғанда Рәсәй гражданы булырға тейеш. Башҡортостанда 2024 йылда 45 атай әсәлек капиталына сертификат алған. Бынан тыш, 2024 йылдан башлап сертификат хужалары аҡсаны тупланма пенсияны формалаштырыу өсөн тотонорға хоҡуҡлы.
Бала ҡарау буйынса эшкә яраҡһыҙлыҡ ҡағыҙы
Әгәр бала ауырыһа, эшкә яраҡһыҙлыҡ ҡағыҙын ата кеше лә юлларға мөмкин. 8 йәшкәсә бала өсөн пособие ике календарь йылдың уртаса эш хаҡынан 100 процент күләмендә түләнә (эш стажына ҡарамай).
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.