Республикала халыҡ яҙыусыһы Камил Йыһаншиндың 75 йәшен билдәләйҙәр

2025 йылда Башҡортостандың халыҡ яҙыусыһы, Яҙыусылар союзы ағзаһы, Рәсәй Яҙыусылар союзы идараһы ағзаһы Камил Йыһаншин 75 йәшен билдәләй. Башҡортостан Башлығы Радий Хәбиров юбилейға бәйле сараларҙы уҙғарыу тураһында указға ҡул ҡуйған. «Башинформ» ҡарамағында тейешле документ бар.

Атап әйткәндә, ойоштороу комитеты булдырыла, уның составында Башҡортостан хөкүмәте премьер-министрының беренсе урынбаҫары Урал Килсенбаев, республиканың мәҙәниәт министры Әминә Шафиҡова, мәғариф һәм фән министры Илдар Мәүлитбирҙин, Өфө хакимиәте башлығы Ратмир Мәүлиев һәм башҡалар бар.

Ойоштороу комитеты саралар планын әҙерләп, раҫларға тейеш.

Хәтерегеҙгә төшөрәбеҙ, Камил Йыһаншин 1950 йылдың 15 мартында тыуған.

Бынан алдараҡ Камил Фәрухша улы «Башинформ» менән әңгәмәлә Тыуған илде ҡәҙерләү, тыуған төйәкте яратыу һәм бер ҡасан да яҡташтар менән бәйләнеште өҙмәү кәрәклеге хаҡында һөйләгәйне.

https://www.bashinform.ru/news/social/2025-02-14/v-bashkirii-otmetyat-75-letie-narodnogo-pisatelya-kamilya-ziganshina-4121321