Башҡортостанда Салауат Юлаев музейын капиталь ремонтлау өсөн подрядсы һайлайҙар

Салауат районында урынлашҡан Салауат Юлаев музейына (Башҡортостандың Милли музейы филиалы) капиталь ремонт үткәреү өсөн ғаризалар ҡабул ителә. Контракттың башланғыс хаҡы – 124,19 миллион һум, подрядсыны 24 февралдә билдәләргә йыйыналар. Мәғлүмәт дәүләт һатып алыуҙары порталында баҫылған.

Музейға капиталь ремонт «Ғаилә» милли проекты сиктәрендә башҡарыла. Подрядсы эштәрҙе 2027 йылдың 30 сентябренә тиклем тамамларға тейеш. Аҡса федераль һәм төбәк бюджеттарынан бүленә.

Бынан алдараҡ «Башинформ» музейҙы реконструкциялау пландары хаҡында яҙып сыҡты. Башҡортостан хөкүмәте премьер-министрының беренсе урынбаҫары Урал Килсенбаев социаль селтәрҙәге сәхифәһендә музейҙы хәтер урыны ғына түгел, ә яңы быуындар заман рухын тоя, тарихҡа ҡағыла һәм үҙенең мираҫы менән ғорурлана алһын өсөн илһам сығанағы итергә планлаштырыуҙарын хәбәр иткәйне.

https://www.bashinform.ru/news/social/2025-02-12/v-bashkirii-vyberut-podryadchika-dlya-kapremonta-muzeya-salavata-yulaeva-4118910