Башҡортостандың почта бүлексәләре яңы йыл каникулдарында эш графигын үҙгәртә

Башҡортостандың почта бүлексәләре яңы йыл байрамдарында эш графигын үҙгәртә, тип хәбәр иттеләр республика Федераль почта элемтәһе идаралығының матбуғат хеҙмәтенән.

Дүшәмбе, 30 декабрҙә, улар шәмбе өсөн билдәләнгән график буйынса эшләй. 31 декабрь, шулай уҡ 1 һәм 7 ғинуар республиканың почта бүлексәләре өсөн ял көнө була. Был көндәрҙә почтальондар хаттар, гәзит-журналдар таратмай. Пенсия һәм пособиелар социаль фондтың Башҡортостан буйынса бүлексәһе менән килешелгән график буйынса таратыла.

«2, 3, 4, 5, 6, 8 ғинуарҙа барлыҡ почта бүлексәләре ғәҙәти режимда эшләй. 6 ғинуарҙа улар клиенттарҙы хеҙмәтләндереүҙе бер сәғәткә алдараҡ тамамлай. Клиенттар пенсия һәм пособие, посылка, гәзит-журналдарҙы ваҡытында алһын өсөн ҡайһы бер ауыл бүлексәләренең эш тәртибендә үҙгәрештәр булыуы ихтимал», — тип билдәләнеләр республиканың Федераль почта элемтәһе идаралығында. Заказдар биреү пункттары урынлашҡан почта бүлексәләре өсөн башҡа эш режимы билдәләнергә мөмкин.

https://www.bashinform.ru/news/social/2024-12-28/pochtovye-otdeleniya-bashkirii-izmenyat-grafik-raboty-v-novogodnie-kanikuly-4069577