Рәсәйҙә водитель таныҡлығы өсөн медицина белешмәһен алыуҙа үҙгәрештәр булыуы ихтимал

Рәсәйҙә водитель таныҡлығы өсөн медицина белешмәһен алыуҙа үҙгәрештәр булыуы ихтимал. Атап әйткәндә, наркотиктарға анализдар өҫтәлеүе мөмкин, тип хәбәр итә Mash телеграм-каналы.

«Хәҙер барлыҡ автомәктәптәр ҙә тиерлек клиникалар менән дуҫ һәм ҡағыҙ мәсьәләһен арзан хаҡҡа хәл итә. Хатта интернетта 3-3,5 мең һумға нарколог һәм психиатр ҡултамғаһы ҡуйылған белешмәгә заказ бирергә була. Бындай осраҡта бер кем дә анализ тапшырмай», — тип яҙа баҫма Милли автомобиль союзының вице-президенты Ян Хайцеэрға һылтанма менән.

Хәбәр иткәнебеҙсә, Рәсәйҙә водителдең туҡтауҙан баш тартҡан өсөн штрафты 10 мең һумға тиклем арттырыуҙары ихтимал.

https://www.bashinform.ru/news/social/2024-11-21/v-rossii-mogut-uslozhnit-poluchenie-medspravki-dlya-voditelskih-prav-4018326