Өфөлә яңы йылға иң матур биҙәлгән бина конкурсы башланды

Өфөлә яңы йыл алдынан иң матур биҙәлгән биналар һәм биләмәләр конкурсы старт алды. Конкурсты ойоштороусы булып Өфө хакимиәте сығыш яһай, тип хәбәр иттеләр мэрияның матбуғат хеҙмәтенән.

Унда сауҙа, йәмәғәт туҡланыуы, торлаҡ-коммуналь хужалыҡ, мәғариф, һаулыҡ һаҡлау, мәҙәниәт, спорт, йәштәр сәйәсәте һәм сәнәғәт өлкәләрендә эшләгән ойошмалар һәм учреждениелар ҡатнашырға мөмкин. Конкурс дүрт номинацияла үткәрелә:

• «Иң матур биҙәлгән сәнәғәт объекты»,
• «Ҙур коммерция объекттарын биҙәү» (майҙаны 1 000 квадрат метрҙан ашыу),
• «Бәләкәй коммерция объекттарын биҙәү» (1000 квадрат метрға тиклем),
• «Дәүләт һәм муниципаль учреждениеларҙы биҙәү».

Район этаптары 15 декабргә тиклем тамамлана, комиссия 29 декабргәсә йомғаҡ яһап, еңеүселәрҙе билдәләй. Бүләкләү тантанаһы 2025 йылда була.

https://www.bashinform.ru/news/social/2024-11-20/v-ufe-startoval-konkurs-na-luchshee-novogodnee-oformlenie-zdaniy-4015949