Радий Хәбиров Белоретта йәшәгән атҡаҙанған тренерҙар менән таныштырҙы

Тренер көнөндә Башҡортостан Башлығы Белоретта йәшәгән Татьяна Васильевна һәм Евгений Гаврилович Сенченколар ғаиләһе менән таныштырҙы. Икеһе лә — еңел атлетика буйынса Рәсәйҙең атҡаҙанған тренерҙары. Улар 49 йыл бергә.

Һәр береһенең ярты быуатҡа яҡын педагогик стажы бар. Сенченколарҙың тәрбиәләнеүселәре араһында — билдәле спортсылар, спорт мастерҙары, абруйлы турнирҙарҙа еңеүселәр, Европа, донъя чемпионаттарында һәм Олимпия уйындарында ҡатнашыусылар. Иң билдәлеләренән олимпиясылар Галина Богомолованы, Лилиә Шобухованы, Егор Николаевты әйтеп үтергә мөмкин. Талапсан, әммә ғәҙел, шаяртып та, әрләп тә алырға мөмкиндәр, ти спортсылар Татьяна һәм Евгений Сенченко хаҡында. Улар тәрбиәләнеүселәренә һөнәр, юғары уҡыу йортон һайларға ярҙам иткән. Егет-ҡыҙҙарҙа яуаплылыҡ, маҡсатҡа ынтылыш һәм эш һөйөүсәнлек кеүек сифаттар тәрбиәләгән.

Бөгөн Сенченколар Белорет районы тренерҙары менән бергә Белорет районының Спорт даны һәм ҡаҙаныштары мемориалын асыу тантанаһына йыйылды. Һәйкәл «Атайсал» проекты буйынса Белорет халҡы йыйған аҡсаға ҡуйылды.

«Татьяна Васильевнаны, Евгений Гавриловичты һәм республиканың барлыҡ тренерҙарын һөнәри байрамы менән ихлас ҡотлайым. Әһәмиәтле эшегеҙ өсөн рәхмәт. Һеҙгә һәм тәрбиәләнеүселәрегеҙгә ныҡлы һаулыҡ, еңеүҙәр теләйем!», – тип яҙҙы Радий Хәбиров социаль селтәрҙәге сәхифәһендә.

https://www.bashinform.ru/news/social/2024-10-30/glava-bashkirii-rasskazal-o-zasluzhennyh-trenerah-senchenko-iz-beloretska-3989651