Дәүләт Думаһында Башҡортостандан махсус хәрби операция геройының ата-әсәһенә рәхмәт белдерҙеләр
Дәүләт Думаһында махсус операцияла һәләк булған хәрби хеҙмәткәрҙәрҙе иҫкә алдылар. Депутаттар яу ҡырында ятып ҡалған яугирҙәрҙең ата-әсәләрен саҡырып, уларға Тыуған иле өсөн йәнен фиҙа ҡылған улдарының батырлығы өсөн рәхмәт белдерҙе.
Парламент рәйесе Вячеслав Володин пленар ултырыш барышында улдарын Рәсәйҙең лайыҡлы гражданы, Ватанды һаҡлаусы итеп тәрбиәләгәндәре өсөн Дәүләт Думаһы миҙалдары менән бүләкләне. Бындай награда тәүге тапҡыр тапшырыла.
Улар араһында Башҡортостандың Бүздәк районынан танкист Максим Ядровтың ата-әсәһе — Лира һәм Андрей Ядровтар ҙа бар.
«Һеҙ илебеҙҙең ысын граждандарын, батыр, ҡыйыу, Тыуған иленә тоғро, үҙ ерен ихлас яратҡан һәм тыныслыҡ, илебеҙ өсөн үҙ ғүмерен биргән егеттәр тәрбиәләгәнһегеҙ. Йылдар үтһә лә, беҙ уларҙы онотмаҫҡа, ата-әсәләре хаҡында хәстәрлек күрергә тейешбеҙ. Улдарының бөйөк ил, уның киләсәге өсөн һәләк булғанын белһендәр. Һеҙгә рәхмәт белдерәм һәм алдығыҙҙа ихтирам менән баш эйәм», - тине Вячеслав Володин.
Максим Ядров Ҡазан юғары танк команда училищеһын тамамлаған. Махсус хәрби операция башында алыштарҙың береһендә һәләк булған.
Лира Ядрова депутаттарға Максимдың класс етәксеһе улының мәктәпте тамамлағандан һуң яҙған хатын тапшырыуы хаҡында һөйләне. Сығарылыш уҡыусылары уны ун йыл үткәс кенә асырға тейеш.
«Миңә был хатты әле үк уҡырға тура килде. Унда Рәсәй тураһында ошондай юлдар бар: «Илебеҙҙең эске тулайым продукты алдынғы урынды биләй. Башҡа 255 илдең иҡтисады тулыһынса Рәсәйгә бәйле». Рәсәйгә улым уны нисек күҙ алдына килтергән, шундай булыуын теләйем, — тип мөрәжәғәт итте депутаттарға Лира Фән ҡыҙы. — Мин улым менән ғорурланам. Яугирҙәрҙе онотмағанығыҙ өсөн рәхмәт».
Ошо көндәрҙә Дәүләт Думаһында «Геройҙың атаһы» тигән фотокүргәҙмә асылды. Унда илебеҙҙән махсус хәрби операцияла ҡатнашыусыларҙың атайҙарының портреттары урын алған. Улар һәләк булған улдарының фотоларын, наградаларын, дипломдарын, шәхси әйберҙәрен тотоп төшкән.
Андрей Ядровтың ҡулында ла — улының фотоһы, ә янында геройҙың Батырлыҡ, генерал Шайморатов ордендары. Башҡортостандан Дәүләт Думаһына фотокүргәҙмәгә Андрей Ядровтың ғына фотоһүрәте һайлап алынған. Фотоның авторы — Бүздәк районының йәштәр үҙәге хеҙмәткәре Диана Имашева.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.