Бәләбәй районында яңы контрактсыларға түләү 4 тапҡырға арттырылды

2024 йылдың 21 октябренән 1 декабренә тиклем Рәсәй Оборона министрлығы менән контракт төҙөгән хәрби хеҙмәткәрҙәргә Бәләбәй районынан бер тапҡыр бирелә торған түләүҙең күләме 100 меңдән 400 мең һумғаса арттырылды. Урындағы район Советы депутаттары ошондай ҡарар ҡабул итте. Шулай итеп, хәҙер Бәләбәй районында бер тапҡыр бирелә торған түләүҙең суммаһы 1 миллион 305 мең һум тәшкил итә, шул иҫәптән Оборона министрлығынан – 400 мең, республиканан – 505 мең, ә эш хаҡы менән бергә һәр контрактсы беренсе йылда 3 805 000 һум алырға мөмкин.

Контракт төҙөү өсөн ғаризаны Бәләбәй ҡалаһы, Бәләбәй һәм Йәрмәкәй райондары хәрби комиссариатында ҡалдырырға кәрәк. Адресы: Көнсығыш урамы, 72. Белешмәләр өсөн хәрби комиссариат телефоны: 8(34786) 5-39-99. Тәүлек әйләнәһенә эшләй. Һеҙгә хәрби комиссариат буйынса дежурный яуап бирә.

Хәбәр иткәнебеҙсә, Өфө һәм Стәрлетамаҡ хакимиәттәрендә лә шундай ҡарарҙар ҡабул ителде. Уларҙың контрактсылары муниципалитеттан 400-шәр мең һум ала.

Ошо көндәрҙә Өфөлә «Һаҡлаусы» берҙәм тәҙрәһе режимында граждандарҙы контракт буйынса хәрби хеҙмәткә һайлап алыу пункты эшләй башланы. Башҡортостандан контракт хеҙмәте тураһында тулыраҡ мәғлүмәтте башбат.рф сайтында йәки 7 (347) 218-19-19 телефоны буйынса алырға була.

https://www.bashinform.ru/news/svo/2024-10-23/v-belebevskom-rayone-bashkirii-vyplatu-novym-kontraktnikam-podnyali-v-4-raza-3979402