Республикала башҡорт теленән онлайн-олимпиадала 41 567 кеше ҡатнашты
9-11 октябрҙә Башҡортостанда икенсе тапҡыр башҡорт теленән онлайн-олимпиада үтте.
Ҡатнашыусыларға олимпиаданың рәсми сайтында тест үтергә тәҡдим ителде:
- башланғыс кимәл – башҡорт телен яңы өйрәнә башлағандар өсөн. Уны 23 714 кеше һайланы;
- ирекле кимәл – башҡорт телендә иркен аралашҡан ҡатнашыусылар өсөн. Был кимәлде 16 335 кеше һайланы;
- башҡорт теленең диалекттары – башҡорт теленең диалекттары менән ҡыҙыҡһынған ҡатнашыусылар өсөн. Уны 1518 кеше һайланы.
Айырыуса Өфө, Саҡмағош, Бәләбәй һәм Туймазы райондары халҡы әүҙемлек күрһәтте. Теркәлгән ҡатнашыусылар араһында Силәбе, Һамар, Ырымбур өлкәләре, Татарстан Республикаһы, шулай уҡ Мәскәү, Сорғот, Нижневартовск, Вязьма һәм Санкт-Петербург ҡалалары вәкилдәре бар ине. Бынан тыш, олимпиадала Үзбәкстан, Төркиә һәм Берләшкән Ғәрәп Әмирлектәрендә йәшәүселәр ҡатнашты.
Һәр ҡатнашыусы йыйылған балдар һаны яҙылған сертификат алды.
Олимпиаданы Башҡорт телен һаҡлау һәм үҫтереү ойошмаһы «Мираҫ» йәштәрҙең башланғыстарына булышлыҡ итеү фонды менән берлектә үткәрҙе. Проект Башҡортостан Республикаһы Башлығы гранттары фонды булышлығында Башҡортостан Башлығы грантына тормошҡа ашырылды.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.