Радий Хәбиров Башҡортостандың ҡурсаулыҡ хеҙмәткәрҙәрен байрам менән ҡотланы
14 октябрҙә ҡурсаулыҡ эше хеҙмәткәрҙәре һөнәри байрамын билдәләй. Уларҙы ошо байрам менән ҡотлап, Башҡортостан Башлығы Радий Хәбиров социаль селтәрҙә тикшеренеүсе, тәбиғәтте һәм солоҡ умартасылығын һаҡлауҙы ойоштороусы Михаил Косарев тураһында яҙған.
Рәсәйҙең атҡаҙанған экологы, Башҡортостандың атҡаҙанған урман хужалығы хеҙмәткәре 30 йылдан ашыу ЮНЕСКО-ның «Башҡортостан Уралы» биосфера резерватына ингән «Шүлгәнташ» ҡурсаулығын етәкләй. Уның тырышлығы менән республикала уникаль һаҡланған территориялар булдырылды.
Михаил Николаевич Йылайыр районының Тютюлени утарында тыуған. 1960 йылдан Бөрйән районының Ырғыҙлы ауылында йәшәй һәм эшләй. Уның тәбиғәтте һаҡлау менән ҡыҙыҡһыныуы олатаһынан һәм атаһынан килә. Бала сағынан тыуған яғына, урман-тауҙарға ғашиҡ. Был уның артабанғы яҙмышын билдәләй. Бөрйән солоҡ бал ҡортоноң генофондын һаҡлау, төбәк тарихы, үҙенсәлекле традицияларҙы, шул иҫәптән солоҡсолоҡто һаҡлау Михаил Косаревтың фәнни ҡыҙыҡһыныуҙары араһында төплө урынды биләй. Ул – 130 ғилми баҫма авторы.
«Михаил Николаевичты, Башҡортостандың ҡурсаулыҡ системаһы ветерандарын һәм хеҙмәткәрҙәрен байрам менән ҡотлайым. Һеҙҙең изге хеҙмәтегеҙ алдында түбәнселек менән баш эйәм. Башҡортостан Уралының гүзәллеген киләсәк быуын өсөн һаҡлап ҡалыуығыҙ өсөн рәхмәт», – тип яҙған Радий Хәбиров.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.