Денис Пушилин Башҡортостан халҡына Донецк Халыҡ Республикаһына ярҙамы өсөн рәхмәт белдерҙе

10 октябрҙә Өфөнөң «Торатау» конгресс-холында ДНР Башлығы Денис Пушилин үҙҙәренең хәрби ҡаһарманлығы һәм хеҙмәт ҡаҙаныштары менән айырылып торған Башҡортостан халҡына Донецк Халыҡ Республикаһының дәүләт наградаларын тапшырҙы. Улар араһында ведомство етәкселәре, яугирҙәребеҙ, табиптар, төҙөүселәр һәм водителдәр бар.

«Республика көнө алдынан Башҡортостанға килеүем минең өсөн оло мәртәбә. Тыуған илебеҙ һағында торған һәр кемгә рәхмәтемде белдерәм. Мин беҙҙең ир-егеттәр, махсус хәрби операция яугирҙәре тураһында һүҙ йөрөтәм, улар шул иҫәптән Донецк Халыҡ Республикаһы территорияһын да азат итеүҙә ҡатнаша.

Белеүегеҙсә, Башҡортостан махсус хәрби операция башланғансы уҡ беҙгә әхлаҡи һәм гуманитар ярҙам күрһәтә ине. Быны әйтеп үтеү мөһим, сөнки тығыҙ кешелек мөнәсәбәттәренең баһаһы ҙур. Беҙҙе шулай уҡ ата-бабаларыбыҙҙың героик үткәне бәйләй.

Бөгөн үҙ ҡулдары менән тарихты яҙғандарҙың барыһына ла рәхмәт белдерәбеҙ. Һеҙгә ҙур рәхмәт һәм Башҡортостан Республикаһы көнө менән», – тип билдәләне Денис Пушилин.

Өфөлә Радий Хәбиров һәм Денис Пушилин Рәсәй Федерацияһы, Донецк Халыҡ Республикаһы һәм Башҡортостандың дәүләт наградаларын тапшырҙы.

https://www.bashinform.ru/news/svo/2024-10-10/denis-pushilin-poblagodaril-zhiteley-bashkirii-za-pomosch-dnr-3963117