Салауат Юлаев исемендәге оператив тәғәйенләнештәге икенсе батальон яугирҙәре дошмандың «Баба-Яга» тибындағы өс дронын бәреп төшөргән. Был хаҡта батальондың телеграм-каналы хәбәр итә.
Билдәле булыуынса, хәрбиҙәр, туҡтауһыҙ артиллериянан атыуға һәм FPV-һөжүмгә ҡарамаҫтан, пилотһыҙ аппараттарҙы бәреп төшөрә алған.
«Беҙ был хәшәрәткә Белгород өлкәһе күгендә осоп йөрөргә һәм тыныс халыҡҡа ҡамасауларға, шулай уҡ яуҙаштарыбыҙҙың тыныслығын боҙорға мөмкинлек бирмәҫбеҙ!» — тине Башҡортостандан махсус операцияла ҡатнашыусылар.
Хәтерегеҙгә төшөрәбеҙ, республикала йәшәүселәр яҡташтарына ҡушыла һәм Еңеүҙе яҡынайта ала. Бының өсөн Рәсәйҙең оборона министрлығы менән контракт төҙөргә кәрәк.
https://www.bashinform.ru/news/svo/2024-10-10/boytsy-iz-bashkirii-sbili-tri-vrazheskih-drona-3963523