Башҡортостанда октябрь айы ғәҙәттәгенән йылыраҡ була

Башҡортостанда октябрь рекорд менән башланды. Айҙың беренсе көнөндә Өфө-Дим аэрологик станцияһында термометр +23,2°градус күрһәтте. Был иһә ошо көн өсөн рекордлы күрһәткес, сөнки республикабыҙҙа иң йылы көн 1974 йылдың 1 октябре тип иҫәпләнә ине. Ул ваҡытта +21,5° булған.

2024 йылдың 30 сентябрендә температура ҡырҡ йыл элек теркәлгән рекордтан юғарыраҡ булды (+23,3°). 1984 йылда был көндө һауа температураһы +21,9° тиклем күтәрелгән.

Синоптиктар фаразы буйынса, быйылғы октябрь ҡоро һәм йылы була. Бер аҙ яуым-төшөм, ә уртаса айлыҡ температураның уҙған йылдарҙағы күрһәткестәрҙән бер градусҡа юғарыраҡ булыуы көтөлә (норма +4,3° ).

Айлыҡ яуым-төшөмдөң дә норманан аҙыраҡ булыуы күҙаллана (норма 40-60 миллиметр).

https://www.bashinform.ru/news/social/2024-10-03/oktyabr-v-bashkirii-budet-teplee-obychnogo-3954023