Башҡортостан депутаттары алғы һыҙыҡҡа РЭБ комплекстарын оҙатты

Башҡортостан Дәүләт Йыйылышы депутаттары махсус операция биләмәһенә радиоэлектронлы көрәш комплекстарын һәм системаларын оҙатты, тип хәбәр итә Башҡортостан Республикаһы Дәүләт Йыйылышының матбуғат хеҙмәте. Билдәле булыуынса, алғы һыҙыҡҡа 200-ҙән ашыу төр техника, шул иҫәптән яңы быуын рацияһы һәм РЭБ саралары ебәрелде.

«Яугирҙәрҙең һәм хәрби подразделение командирҙарының һорауы буйынса йыйылған йөк фронт һыҙығына оҙатылды. РЭБ-тар бик кәрәк, шул иҫәптән алғы һыҙыҡта эшләгән һәм яралыларҙы һуғыш яланынан алып сыҡҡан санитар автомобилдәргә. Дрондар, тепловизорҙар, медицина препараттары, пиломатериалдар, йылытыу пушкалары, компрессорҙар һәм башҡалар һатып алынды. Егеттәр менән бәйләнеш тотабыҙ һәм уларҙың үтенестәрен тиҙ генә үтәргә тырышабыҙ. Яҡташтарыбыҙ хеҙмәт иткән барлыҡ подразделениеларға ярҙам итәбеҙ», —  тине Башҡортостан Республикаһы Дәүләт Йыйылышы рәйесе Константин Толкачев.

Колоннаны парламент вице-спикеры Салауат Хөсәйенов оҙатып йөрөй.

Хәбәр иткәнебеҙсә, Башҡортостан депутаттары махсус хәрби операция өсөн өсөн 45 миллион һум аҡса йыйған.

https://www.bashinform.ru/news/svo/2024-09-27/deputaty-bashkirii-otpravili-na-peredovuyu-kompleksy-reb-3947046