Салауат районында юл төҙөкләндерелә

Салауат районында Миәшәгәр — Торналы — Мөрсәлим юлының Лағыр ауылы аша үткән участкаһын ремонтлайҙар. Эш графикка ярашлы бара, ләкин алда эштәр байтаҡ. Тротуар һалыу, электр яҡтыртҡыстары ҡуйыу, автобус туҡталыштары эшләү һәм башҡалар, тип хәбәр иттеләр Башҡортостандың Юл хужалығы идаралығынан.

Муниципаль юл «ялыуҙар күп булған юлдар» исемлегенә индерелгән (2023 йылда республика Башлығы Радий Хәбиров тәҡдиме менән башланған программа). Был юлдан йөк машиналары Мөрсәлим карьерынан ваҡ таш ташый, шуға ул ныҡ емерелә. Быйыл яҙ ошо юлды ябырға, ә карьер эшен ваҡытлыса туҡтатырға тура килде. Йәйгеһен юлдың икенсе участкаһын һыу баҫҡас, транспорт хәрәкәте ябылды.

https://www.bashinform.ru/news/social/2024-09-19/v-bashkirii-remontiruyut-fonyaschuyu-dorogu-v-salavatskom-rayone-3937135