Башҡортостанда Рәхимбай һәм Овсанна исемле сабыйҙар тыуған

Башҡортостанда 2024 йылдың 1 ғинуарынан 18 сентябренә тиклем донъяға килгән сабыйҙарҙың һирәк һәм популяр исемдәрен атанылар. Исемлек ЗАГС реестрының мәғлүмәт-аналитика порталында баҫылған.

Шулай итеп, ҡыҙ балалар араһында осраған һирәк исемдәр – Альвина, Овсанна, Эйлина, Найлә һәм Адилия. Малайҙарға Нәсим, Илфир, Эван, Антип, Рәхимбай тип ҡушҡандар.

Иң популяр ҡатын-ҡыҙ исемдәре – Әминә (329), София (278), Эмилия (273), Ева (271), Арина (266). Малайҙарҙа иһә Әмир (412), Тимур (275), Марк (273), Артем (261), Эмир (261).

https://www.bashinform.ru/news/social/2024-09-19/nazvany-samye-populyarnye-i-redkie-imena-novorozhdennyh-v-bashkirii-3935655