3 октябрҙән Өфөнән Шарджаға авиарейстар башлана. Air Arabia компанияһы Башҡортостандың баш ҡалаһынан Берләшкән Ғәрәп Әмирлектәре ҡалаһына осоштарҙы тергеҙә. Рейстар аҙнаһына биш тапҡыр: дүшәмбе, шишәмбе, кесаҙна, йома һәм йәкшәмбе көндәрендә башҡарыла.
Маршрутҡа 174 пассажирға иҫәпләнгән Airbus A320 самолеттары сыға.
Өфөнән самолет урындағы ваҡыт буйынса төнгө 2-се 30 минутта һауаға күтәрелә. Шарджа аэропортына тиклем 4 сәғәт 45 минут ваҡыт китә, тип хәбәр иттеләр Өфө аэропортының матбуғат хеҙмәтенән.