Республикала «Рекрут» проекты әүҙемләшә

Башҡортостан Республикаһының ДОСААФ идаралығына «Рекрут» проекты сиктәрендә контракт хеҙмәтенә йәлеп итеү менән шөғөлләнгән активистарҙан 700-гә яҡын ғариза килгән. Был хаҡта «Сәләм» тапшырыуында Республика менән идара итеү үҙәгенән ойошманың төбәк бүлексәһе рәйесе Игорь Нурмөхәмәтов хәбәр итте.

«Әгәр 1 августан башлап 480-дән ашыу мөрәжәғәт ҡабул итһәк, сентябрҙең 10 көнөндә иһә 200. Ғаризаларҙың 2/3 ашыуы эшкәртелгән, аҡса контракт төҙөгәндән һуң 7 көн эсендә күсерелә», — тине тура бәйләнеш ҡунағы.

Хәтерегеҙгә төшөрәбеҙ, Башҡортостан Башлығы Радий Хәбиров ДОСААФ башланғысын хупланы. «Рекрут» проектында ҡатнашыусылар өсөн 50 мең һум түләнә. Аҡсаны 18 йәше тулған Рәсәй граждандары алырға мөмкин. Әммә был ҡағиҙә дәүләт һәм муниципаль учреждениелар хеҙмәткәрҙәренә, хәрби хеҙмәткәрҙәргә һәм хоҡуҡ һаҡлау органдары вәкилдәренә ҡағылмай.

Тәүге өс аҙнала проект инициаторҙары 100-ҙән ашыу әүҙемсегә аҡса түләне. «Рекрут» 2024 йылдың 31 октябренә тиклем ғәмәлдә ҡала. Тулыраҡ мәғлүмәт алыу өсөн 122 йәки 7 (347) 218-19-19 телефондары буйынса Башҡортостандың ситуация үҙәгенә мөрәжәғәт итергә мөмкин.

Рәсәй Президенты1 августан 31 декабргә тиклем махсус хәрби операцияла ҡатнашыу өсөн контракт төҙөгән яугирҙәргә 400 мең һум күләмендә бер тапҡыр бирелә торған түләү тураһында указға ҡул ҡуйҙы. Республика Башлығы Радий Хәбировтың ҡушыуы буйынса контрактсыларға бер тапҡыр бирелә торған түләүҙең күләме артты. Шулай итеп, федераль түләүҙе иҫәпкә алып, Башҡортостандан хәрбиҙәр бер тапҡыр 1 миллион 205 мең һум алырға мөмкин.

https://www.bashinform.ru/news/svo/2024-09-11/proekt-rekrut-v-bashkirii-nabiraet-oboroty-3924604