Республикала «Бүләктәр төнө» башлана

Бөгөн, Башҡортостан Башлығын һайлауҙың өсөнсө көнөндә, «Рәхмәт-2024» акцияһы вәкилдәре Йәмәғәт матбуғат үҙәгендә «Бүләктәр төнө»н иғлан итте.

– Беҙҙә 4 отош уйыны үткәрелде. Бүләктәр араһында квадроциклдар, мотоциклдар, офис, көнкүреш техникаһы, телевизорҙар, робот-саң һурҙырғыстар, аҡыллы колонкалар бар. Бөгөн дә бүләк уйнатабыҙ, тәүгеһе көндөҙгө 2-лә. Киске сәғәт 9-ҙа «Бүләктәр төнө» башлана, — тине Римма Бикмырҙина.

Уның әйтеүенсә, ике көн эсендә тотош республиканан 130-ға яҡын еңеүсе билдәләнгән.

Акция белгесе сайтҡа DDOS-һөжүме хаҡында ла әйтте:

– Беҙ сит ил IP-адрестарынан, 64 илдән килгән меңләгән һорауҙы теркәнек, бының дуҫ булмаған сит илдәрҙең эше икәне аңлашыла. Шуға бәйле Башҡортостан халҡының билетты теркәүҙә ҡыйынлыҡтары килеп тыуҙы.

Римма Бикмырҙина әйтеүенсә, приздың хаҡы еңеүсе менән төҙөлгән килешеүҙә күрһәтелә, һалым да шуға ярашлы иҫәпләп сығарыла.

https://www.bashinform.ru/news/social/2024-09-08/predstaviteli-aktsii-rahmat-2024-anonsirovali-noch-prizov-3918987