Башҡортостан һәм Өфө яңылыҡтары
79.15
+0.96
91.84
+1.05
62.51
+0.52
-8 °C
Ҡар
Бөтә яңылыҡтар
Йәмғиәт
4 Сентябрь 2024, 11:19

Башҡортостанда махсус хәрби операцияла һәләк булған табипҡа мемориаль таҡтаташ асылды

социаль селтәрҙәр
Фото: социаль селтәрҙәр

Белорет ҡалаһы поликлиникаһы ихатаһында махсус хәрби операцияла һәләк булған яҡташыбыҙ Даян Ғәли улы Денисламов иҫтәлегенә мемориаль таҡтаташ асылды.

Белорет дауаханаһында ул 30 йылдан ашыу тәүҙә массажсы, һуңынан рентген-лаборант булып эшләгән. Быйыл 26 февралдә Даян Ғәли улы махсус операция биләмәһендә яралыларҙы ҡотҡарғанда батырҙарса һәләк булған.

Үлгәндән һуң генерал Шайморатов ордены һәм Батырлыҡ ордены менән бүләкләнгән. Геройҙың тормош иптәшенә награданы Белорет районы башлығы Андрей Иванюта тапшырҙы.

- Даян Ғәли улын белореттар, дауахана хеҙмәткәрҙәре яҡшы белә һәм хөрмәт итә ине, - тип яҙҙы социаль селтәрҙә Андрей Иванюта. - Даян Ғәли улы ярҙамсыл һәм изге күңелле булды, барыһына ла ярҙам итергә ынтылды. Балаларын яратты, уларға яҡшы тәрбиә бирергә тырышты. Илебеҙҙең тыныс күге өсөн үҙ ғүмерен ҡорбан иткән яугирҙе бер ҡасан да онотмаҫбыҙ.

https://www.bashinform.ru/news/svo/2024-09-03/v-bashkirii-otkryli-memorialnuyu-dosku-pogibshemu-na-svo-vrachu-3910240

Автор: Ләйлә Аралбаева
Читайте нас