Республикала контракт буйынса хеҙмәт итеүселәргә түләү ваҡыты оҙайтылды

Башҡортостанда илдең Оборона министрлығы менән контрактҡа ҡул ҡуйған граждандарға арттырылған түләү ваҡыты оҙайтылды. Республика Башлығы Радий Хәбиров тейешле указға ҡул ҡуйған. Был хаҡта Горобзор мәғлүмәт-яңылыҡтар порталы хәбәр итә.

Хәтерегеҙгә төшөрәбеҙ, Радий Хәбировтың ҡушыуы буйынса контрактсыларға түләү суммаһы 205 мең һумдан 505 мең һумғаса артты һәм 10 июлдән түләнә башланы. Ярҙам сараларын 2024 йылдың 31 авгусына тиклем алырға мөмкин ине. Указға ярашлы, хәҙер арттырылған түләүҙәр ваҡыты ағымдағы йылдың 31 октябренә тиклем оҙайтылды.

Указ көсөнә инде.

Рәсәй президенты 1 августан 31 декабргә тиклем махсус хәрби операцияла ҡатнашыу өсөн контракт төҙөгән граждандарға 400 мең һум күләмендә бер тапҡыр бирелә торған түләү тураһындағы указға ҡул ҡуйғайны. Шулай итеп, федераль түләү менән бергә Башҡортостандың хәрби хеҙмәткәрҙәре бер тапҡыр 1 миллион 205 мең һум аҡса алырға мөмкин. 

https://www.bashinform.ru/news/svo/2024-08-28/v-bashkirii-prodlili-vyplaty-kontraktnikam-3901899