Яңы уҡыу йылында Башҡортостан мәктәптәрендә өҫтәмә фәндәр индерелә

Яңы уҡыу йылында Башҡортостан мәктәптәрендә өҫтәмә фәндәр индерелә. Был турала дүшәмбе хөкүмәттең оператив кәңәшмәһендә республиканың мәғариф һәм фән министры Илдар Мәүлитбирҙин белдерҙе.

Уның һүҙҙәренсә, 1 сентябрҙән яңы фәндәр – Ватанды һаҡлау һәм именлек нигеҙҙәре (ОБЗР), хеҙмәт (технология) дәрестәре индерелә.

«Ошо фәндәрҙе уҡытыу өсөн йәй көнө меңдән ашыу хеҙмәт (технология) уҡытыусыһы һәм шунса уҡ ОБЗР уҡытыусылары әҙерләнгән. Көҙгөһөн улар өсөн «Патриот» паркында өс көнлөк уҡыуҙар үткәрелә», — тине министр.

Хәбәр иткәнебеҙсә, Башҡортостанда уҡыусыларға льготалы туҡланыуҙы ойоштороу өсөн 3,7 миллиард һум бүленгән.

https://www.bashinform.ru/news/social/2024-08-26/v-novom-uchebnom-god-v-shkolah-bashkirii-vvedut-dopolnitelnye-predmety-3899057