Республикала табиптарға 135 махсус автомобиль тапшырылды
Бөгөн, 27 августа, Өфөлә Башҡортостан Башлығы Радий Хәбиров республиканың 43 медицина ойошмаһына 135 LADA Granta автомобиле асҡыстарын тапшырҙы.
«Был автомобилдәр, медицинаны һәр кемгә мөмкин тиклем яҡынайтыуға булышып, беҙҙең халыҡҡа хеҙмәт итәсәк. Поликлиникаға йәки дауаханаға үҙ аллы барып етеүе ауыр булғандарға ярҙам итеү өсөн, терапевтар һәм педиатрҙар пациенттарының өйҙәренә килә алһын өсөн. Был мөһим эш, беҙ уны дауам итәбеҙ – йыл аҙағына тиклем тағы ла 70 машина көтөлә. Беҙҙең медицина технологик яҡтан тағы ла үҫешкәнерәк, иң мөһиме, кешеләргә мөмкин тиклем яҡыныраҡ булһын», – тине Радий Хәбиров.
Республика етәксеһе илебеҙҙә етештерелгән яңы техниканы ҡарап сыҡты. «Лада Гранта» автомобилдәре пациенттарҙы дауаханаларға һәм поликлиникаларға алып барыу өсөн тәғәйенләнгән. Машиналар республиканың алыҫ райондарында, айырыуса юлһыҙ урындарҙа алмаштырғыһыҙ. Улар уңайлы булыуҙары менән айырылып тора, заманса ҡорамалдар менән йыһазландырылған.
– Быйыл 206 автомобиль тапшырабыҙ, улар ҡайһы берҙә егермешәр йыл файҙаланылған иҫкергән техниканы алмаштыра. Был медицина үҫешенә етди этәргес булып тора – ошо йылдар дауамында автопаркты яңыртыу буйынса эш алып барабыҙ. Тап ошоно беҙ медицинаны кешеләргә яҡынайтыу тип атайбыҙ ҙа инде, – тине Башҡортостан Башлығы, «Башинформ» мәғлүмәт агентлығы хәбәрсеһенең һорауына яуап биреп.
Автомобилдәр федераль һәм республика аҡсаһына һатып алынған, уларҙың дөйөм суммаһы – 162,4 миллион һум.
Белешмә
Яңы автомобилдәр «Һаулыҡ һаҡлау» милли проектының «Башҡортостан һаулыҡ һаҡлау тармағының беренсел звеноһын модернизациялау» төбәк программаһы сиктәрендә беренсел медицина-санитар ярҙам күрһәткән медицина ойошмаларын, ауыл ерендә, ҡала тибындағы ҡасабаларҙа һәм 50 меңгә тиклем кеше йәшәгән бәләкәй ҡалаларҙа урынлашҡан үҙәк район һәм район дауаханаларын йыһазландырыу өсөн 657 берәмек автотранспорт һатып алыу планлаштырыла. 2021-2023 йылдарҙа 352 автотранспорт һатып алынған. 2024 йылда – 206, 2025 йылда иһә тағы 99 автотранспорт алыу күҙаллана.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.