Радий Хәбиров Башҡортостанда тыуып үҫкән геройҙың ҡыҙына генерал Шайморатов орденын тапшырҙы

Бөгөн Башҡортостан Башлығы Радий Хәбиров хөкүмәттең оператив кәңәшмәһендә яҡташыбыҙ, партизан Николай Киселёв хаҡында һөйләне.

Николай Киселёв 1942 йылда Белоруссияның Минск өлкәһендә Долгинов геттоһынан 218 йәһүдте фронт һыҙығынан алып сығып, ғүмерҙәрен ҡотҡарып ҡалған.

Бөгөн Республикаға идара итеү үҙәгендә Радий Хәбиров Киселёвтың ҡыҙы Татьяна Николаевнаға генерал Шайморатов орденын тапшырҙы.

«Хөрмәтле Татьяна Николаевна, минең өсөн һеҙгә һәм ғаиләгеҙгә генерал Шайморатов орденын тапшырыу — оло мәртәбә. Николай Яковлевичты  үлгәндән һуң бүләкләйбеҙ. Барыбыҙ ҙа ошондай шәп яҡташыбыҙ булғанын аңлаһын һәм уның тураһында  хәтерҙе һаҡлаһын өсөн», — тине Радий Хәбиров.

Николай Киселёвтың ҡыҙы республика етәкселегенә республикаға килеү мөмкинлеге өсөн рәхмәт белдерҙе һәм Башҡортостандың үҙ геройҙарын онотмауын билдәләне:

«Был тормош кредоһы. Һеҙгә иғтибарығыҙ өсөн рәхмәт. Ғаиләбеҙҙә атайымдың хәрби бурысын намыҫ менән үтәүе һәм иң яҡшы кешелек сифаттарын күрһәтеүе менән ғорурланабыҙ. Ҡыҙыҡһыныу белдергән, төрлө ваҡытта ҡатнашҡан ветерандарға, Өфө, Благовещен, Богородский ауылы хакимиәттәренә рәхмәт һүҙҙәрен әйткем килә».

Уның Николай Киселёвҡа Рәсәй Геройы исемен биреү үтенесен ил президенты Владимир Путинға еткерермен, тип өҫтәне Радий Хәбиров.

https://www.bashinform.ru/news/svo/2024-08-19/v-tsur-bashkirii-pochtili-pamyat-nikolaya-kisilyova-spasshego-zhizni-bolee-200-evreev-3891072