Башҡортостандан мобилизацияланғандар контракт буйынса хеҙмәтен дауам итә

Башҡортостандан мобилизацияланғандар араһынан махсус хәрби операцияла ҡатнашыусылар күбәйә, улар Рәсәй Оборона министрлығы менән килешеү төҙөй. Был хаҡта Башҡортостан Башлығының хәрби хеҙмәткәрҙәр менән үҙ-ара эш итеү мәсьәләләре буйынса кәңәшсеһе Алик Камалетдинов белдерҙе.

Уның әйтеүенсә, СВО-ла контракт буйынса хеҙмәт итергә теләгән ир-егеттәрҙең артыуы Рәсәй Президентының һалдаттарға 400 мең һум күләмендә бер тапҡыр түләү тураһындағы указға ҡул ҡуйыуы менән бәйле.

– Хәҙер беҙҙең мобилизацияланған хәрбиҙәр араһынла контракт төҙөүселәр күбәйҙе. Мин хәҙер Донецк һәм Запорожье йүнәлештәренән килдем, подразделениелар һәм хәрби формированиелар командирҙары әйтеүенсә, килешеү төҙөгәндәрҙең проценты ҙур инде», — тине Алик Камалетдинов БСТ телеканалына биргән интервьюһында.

Бынан алда Башҡортостан Башлығы Радий Хәбировтың ҡушыуы буйынса контрактсылар бер тапҡыр бирелә торған түләү күләме арттырылды. Шулай итеп, федераль түләүҙәрҙе иҫәпкә алып, Башҡортостан хәрбиҙәре дөйөм 1 млн 205 мең һум аҡса алырға мөмкин.

Барлыҡ һорауҙарҙы 122 йә (347) 218-19-19, (347) 248-29-31 (һайлап алыу пункты) телефон һандары буйынса бирергә мөмкин.

Автор:Эдуард Ҡусҡарбәков

https://www.bashinform.ru/news/svo/2024-08-16/mobilizovannye-iz-bashkirii-prodolzhayut-sluzhit-po-kontraktu-3888865